Misdadigers teiken store met saad

Landbouers moet seker maak hul store is genoegsaam beveilig, omdat misdadigers nou glo plase teiken waar saad en kunsmis gestoor word.

Volgens Vrystaat Landbou (VL) se inligting is daar reeds groot hoeveelhede saad in die omgewing van Bothaville, Ventersburg en Marquard gesteel.

“In een geval in Desember is werkers vasgebind en van nagenoeg 360 sakkies saad geroof,” sê dr Jane Buys, Veiligheidsrisiko-analis van VL.

Volgens haar moet landbouers seker maak hul store is beveilig deur moontlik “’n alarm en/of kamerastelsel in plek te kry, sodat beweging vroegtydig deurgestuur en opgetel kan word”.

Landbouers word ook versoek om enige inligting oor moontlike verdagte voertuie en mense aan hul Veiligheidsverteenwoordigers deur te gee, sodat dit weer aan VL se Veiligheidslessenaar oorgedra en misdaad bekamp kan word.

Buys sê dit blyk of die steel van saad en kunsmis meestal in die nag plaasvind en dat voertuie, bakkies of trokke betrokke is.

Posted on by jonckie

Comments Off on Misdadigers teiken store met saad

Category: Algemeen Tags :

Comments are closed.