Duitse toeriste in noue ontkoming met botsing by verkeerspunt
23
October
Twee Duitse toeriste is ongedeërd toe hulle motor van agter deur ‘n afleweringsvoertuig getref is.
Die paartjie was na Calitzdorp onderweg en het by ‘n verkeersbeheerpunt stilgestaan toe hulle van agter getref is. Die slag het hulle motor laat omslaan.
Die passasier in die voertuig is fisies gestrem en kon nie self uit die wrak klim nie.
Die botsing het omstreeks 13:30 ongeveer 20km buite Oudtshoorn op die Calitzdorppad gebeur.
Die bestuurder van die Mercedes Vito wat in hulle vasgery het, het op die toneel gesê hy het nie besef die verkeer staan stil nie. Hy is ook nie beseer nie.
