“Vryheid is selfs nog Mooier” met Toyota Fortuner LTD
12
July
’n Geharde, aantreklike voorkoms en ’n lang lys toerusting is alles saamgegooi om ’n nuwe Fortuner-reeks te skep – die Fortuner LTD Edition – wat nou te koop is. Om dit in advertensie-taal op te som: “Vryheid is selfs nog mooier”.
Die beperkte LTD Limited-reeks, wat net vir die Fortuner 3.0- en 4.0-reeks (die weergawes met ’n verhoogde romp sowel as 4×4-weergawes) beskikbaar is, sal van Julie tot September in Toyota se wêreldklas-aanleg in Prospecton in Durban, gebou word.
Kerry Roodt, Hoofbestuurder van Bemarkingskommunikasie, het dit as volg opgesom: “Die nuweLTD Limited-weergawe fokus op styl en praktiese bruikbaarheid, terwyl die voertuig terselfdertyd puik waarde vir geld bied.
“Kopers kry vir ’n klein bedrag meer as die standaard-model, toerusting wat heelwat meer sou kos as dit individueel as bykomstighede aan ’n voertuig monteer word.
“Ek is seker dit sal die belangstelling van talle nuwe en bestaande Fortuner-klante prikkel.”
’n Indrukwekkende lys standaard-toerusting is een van die hoogtepunte van die Fortuner –volle leerbekleedsel, stabiliteitsbeheer (VSC), raakskerm-klankstelsel met trurat-monitor, Bluetooth, outomatiese klimaatbeheer, outomatiese kopligte en iPod-versoenbaarheid is maar net van die nuwighede op die lys. Die nuwe LTD Edition-reeks brei die gewone model uit deur verskeie leefstyl-verbeterings te bied:
- Nerfstamper van vlekvrye staal met ’n unieke, uitgesnyde “LTD Edition”-kenteken
- Kanttrappies van vlekvrye staal met unieke, uitgesnyde “LTD Edition”-kentekens
- Trekstang met dofswart-afwerking
- Agterste drumpel-skerm
- Rookgrys 17”-allooisierwiele
- Verchroomde buitespieëlhulsels
- “LTD Edition”-kenteken agter
- Bykomende matstel met “LTD Edition”-borduurwerk
Pryse (BTW ingesluit)
- Fortuner 3.0 D-4D RB LTD Edtition – R434 700
- Fortuner 3.0 D-4D RB outo LTD Edtition – R446 700
- Fortuner 4.0 D-4D RB outo LTD Edtition – R463 900
- Fortuner 3.0 D-4D 4×4 LTD Edtition – R482 700
- Fortuner 3.0 D-4D 4×4 outo LTD Edtition – R494 900
- Fortuner 4.0 D-4D 4×4 outo LTD Edtition – R511 700