Wat is die verskil tussen ‘n Debietorder en ‘n Stoporder?
28
February
Weet jy wat is die verskil tussen ‘n debietorder en ‘n stoporder? Kliënte vra gereeld watter betaalmetode die beste is: ʼn debietorder of ʼn stoporder.
Beantwoording van die vraag vereis eers verstaan van die twee betaalopsies. Die definisies van die Bank Ombudsman in vertaalde vorm word gebruik:
Debietorder: ʼn Skriftelike ooreenkoms tussen ʼn kliënt en ʼn maatskappy waarin die kliënt die maatskappy of derde party magtig om geld uit die rekening van die kliënt te trek vir dienste aan die kliënt gelewer. Debietorders kan vir vaste of veranderlike bedrae voorsien.
Stoporder: ʼn Opdrag wat deur die kliënt aan die bank uitgereik word om vaste betalings aan ʼn derde party te maak op ʼn gereelde basis. Die bank handel namens jou op jou instruksie en die derde party het geen magtiging om jou rekening te debiteer soos met ʼn debietorder nie.
Die verskille is soos volg:
Konsep | Debietorder | Stoporder |
Magtiging van betaling | Kliënt magtig maatskappy/derde party |
Kliënt magtig bank |
Rol van kliënt | Kliënt magtig debietordermagtiging | Kliënt voltooi stoporderinstruksie by bank |
Rol van maatskappy / derde party |
Administreer en verhaal betalings soos per debietordermagtiging |
Geen rol |
Rol van bank | Bank keur en evalueer maatskappy/ derde party om debietorders te hef. Verhaal fondse soos in debietversoek en betaal oor aan maatskappy/derde party |
Administreer stoporderinstruksie |
Voorsiening van fondse | Kliënt moet voldoende fondse in rekening voorsien |
Kliënt moet voldoende fondse in rekening voorsien |
Staak van betaling | Kliënt kan betaling by bank staak, moet instruksie na maatskappy/ derde party stuur vir beëindig van heffings |
Staak stoporderinstruksie by bank |
Koste van betaling | Goedkoop by meeste handelsbanke, sekere rekenings uitgesluit vir hef van debiet orders |
Duurder as debietorders |
Aanpas van bedrae | Maatskappy/derde party maak aanpassings van bedrae gehef |
Kliënt wysig bedrae gehef by die bank |
Betaling geweier | Maatskappy/derde party mag debiet order weer aanbied. Bank hef boete op nie-betaling |
Maatskappy/derde party kan net met kliënt opvolg oor rede vir nie-betaling. Bank hef boete op nie-betaling |
[Inligting vanaf CrisisonCall.co.za]