Wees bewus van tegnieke van kriminele om jou onverhoeds te betrap

police arrest cape

Ons hoor elke dag van iemand wat iewers aangeval, beroof en vermoor word. Dit is nou maar so dat ons dikwels reageer op ons instink om dadelik ondersoek in te stel voordat ons onsself beveilig of die nodige hulp inroep. Dit is veral diegene woonagtig op plase, plotte en effe verwyder van ander mense wat maklik as prooi geidentifiseer word!

Op een van die Whatsapp- groepe waar ons op hoogte gehou word van ongelukke en kriminele aktiwiteite vind ons ook inligting en waarskuwings rakende sommige van die tegnieke gebuik deir hierdie boewe:

MOET VIR GEEN REDE UIT JOU HUIS UIT GELOK WORD NIE !!!!!!!!!

Stede / dorpe / plase / plotte – dieselfde beginsels geld oral

■ Moenie uitgaan na jou “krag-box” om te kyk wat aangaan as jou krag afgaan nie – kry eers hulp van buite af in !!

■ Moenie uitgaan om te kyk hoekom loop daar water uit jou krane of in jou tuin nie – die krane kan nie vanself oopgaan nie – kry eers hulp van buite af in !!

■ Moenie uitgaan as iemand om “hulp roep” of “gewond” by jou huis aankom nie – bel die nodige nood-eenhede soos polisie, ambulans, ens !!

■ Moet ook nie goedsmoeds vir die “polisie” oopmaak nie .. kontak jou naaste polisiestasie en bevestig eers alle details !!

■ Moenie uitstorm as jou voertuig(e) se alarm afgaan nie – daar moet ‘n (moontlik gevaarlike) rede wees daarvoor !!

■ Moenie uitstorm om te kyk hoekom jou honde dringend en aanhoudend blaf nie – daar moet ‘n (gevaarlike) rede wees daarvoor !!

■ Moenie gaan kyk hoekom “huil daar ‘n baba” by jou kamervenster of by jou hek nie – die “Suster Theresa-gevoel” kan jou lewe kos !!

■ Moenie uitgaan as klein hondjies op jou stoep of by jou voordeur neergesit word nie. Bel dan eerder jou Buurtwag, CPF of DBV om uit te kom asb. Lyk my dis die nuwe Modus Operandi deesdae. Kriminele sit klein hondjies saans naby jou huis se deure en wag vir jou om uit te kom. MOENIE daarvoor val nie!

■ Moenie reageer op “hulproep” van jou werkers in die nag nie – maak ‘n alternatiewe reeling met hulle – in mediese noodgeval byvoorbeeld, kan hulle jou bel en jy kan ambulans reel !!

■ Moenie vir “verkoops foefies” of “herstelwerk foefies” of “opname truuks” of “werk soek truuks ”val nie – as hulle nie met jou ‘n afspraak kan maak nie, dan mag hulle jou nie te siene kry nie !!

■ Moet GEEN vreemdes by of naby jou huis toelaat nie (dag of nag) .. hanteer dit altyd as ‘n moontlike roof / plaasaanval as daar vreemdes per voertuig of voet aankom – roep onmiddelik hulp van buite af in voordat hulle naby jou kom !!

■ Reel al hierdie nood-drils ook met jou bure rondom jou – praat met mekaar, al is dit 3-uur in die nag en help mekaar so beskerm teen al hierdie slinkse truuks !!

■ Kry AL die nooddienste, SAPS, CPF, Buurtwag, Plaaswag, ens. se noodnommers op julle selfone en roep ALTYD EERS hulp van BUITE af in om jou eiendom te beveilig VOOR jy self uitstorm !!

■ Ons is geregtig op privaatheid en ‘n “veilige spasie” om ons – moenie dat daardie regte binnegedring word nie – handhaaf dit baie streng !!

■ Vertrou ALTYD jou “6e sintuig”, die “stemmetjie” wat jou waarsku of “daardie gevoel” – dis gewoonlik reg !!

 

Posted on by jonckie

Comments Off on Wees bewus van tegnieke van kriminele om jou onverhoeds te betrap