Wat is ‘n beroerte en hoe kan ons hierdie risiko verminder?

Op GeselsVersekering wil ons nie net versekering bespreek nie maar ook daardie gevare en selfs mediese toestande wat ons gesondheid bedreig. Soos ons dit ook dikwels in Afrikaans stel – “Voorkoming is beter as nasorg” – of “Voorkoming is die beste medisyne”!

In hierdie bespreking wil ons dus met die hulp van CrisisOnCall fokus nie op lewensversekering en ongeskiktheidsdekking nie, maar wel ‘n paar wenke gee rakende die voorkoming van beroertes.

Wat weet ons van ‘n beroerte en watter stappe kan ons neem om hierdie risiko te voorkom of die gevolge daarvan te verminder?

Wat is ‘n Beroerte?

‘n Beroerte is wat gebeur wanneer bloedvloei na die brein onderbreek word. Jou breinweefsel word van suurstof en voedsel ontneem en binne minute begin breinselle doodgaan. Dit is ‘n mediese noodgeval.

Vinnige behandeling kan die verskil tussen lewe en dood beteken, en vroegtydige behandeling kan ook skade aan jou brein verminder.

Simptome van ‘n Beroerte

Algemene simptome sluit in:

  • Skielike lamheid, swakheid, of verlamming van die gesig, arm of been gewoonlik net aan een kant van die liggaam.
  • Spraakverlies of praat met moeite of verstaan nie ‘n gesprek nie.
  • Skielike dubbelvisie, dowwe visie of ‘n afname in sig.
  • Duiseligheid, verlies van balans of koordinasie.
  • Skielike erge hoofpyn met geen spesifieke oorsaak nie.

‘n Beroerte word ook soms ‘n “brein aanval”genoem.

Risiko-faktore:

  • Familie geskiedenis – wanneer jou ouers of ‘n broer of suster een gehad het.
  • Ouderdom – met veroudering verhoog jou kanse.
  • Geslag -mans (na 55 is ‘n man en vrou se risiko gelyk).
  • Hoe bloeddruk  -verhoog die risiko met vier tot ses keer.
  • Kardiovaskulere siektes – hartversaking of ‘n vorige hartaanval, aorta-hartklep siektes of klepvervangings en arterie fibrillasie (¡¥n onreelmatige en vinnige hartklop).
  • Rook.
  • Diabetes.
  • Ongesonde vlakke van bloedlipiede (cholesterol).

Wanneer jy enige tekens van ‘n beroerte sien –  kry onmiddellik mediese hulp!

Stappe ter Voorkoming

  • Moenie rook nie.
  • Beperk cholesterol en vet innames.
  • Eet baie vrugte en groente.
  • Beperk natrium.
  • Doen gereeld oefening.
  • Beperk alkohol inname.
  • Behou ‘n gesonde gewig.
  • Beheer diabetes.
  • Gaan gereeld vir ‘n deeglike mediese ondersoek.

7 Responses to Wat is ‘n beroerte en hoe kan ons hierdie risiko verminder?

  1. susan

    nog al bekommerd weet nie wat die oorsake is nie maar is steeds bekommerd
    my regter arm is nou al vir die afgelope vierdae aan die brand en lam met naalde wat rond hardloop die pyn is van agter in my ryg na skouer oor my nek onder my arm, wat kan dit wees?

  2. mona van rensburg

    kan iemand my asb. dringend raad gee my man wil tot die dood toe nie dokter toe gaan nie hy is ‘n diabeet en gebruik medikasie maar ook net wanneer hy so voel sy suiker is nou al vir die afgelope week elke keer tussen 22 en 23 eers het ‘n begin kla van sy hand wat voel of daar naalde in is nou deesdae is hy vreeslik duislig en vir die afgelope 5 dae kry hy steekpyne is sy kop is dit tekens van ‘n beroerte

  3. Yolandie

    Ek het een oggend op gestaan met ‘n hand wat pins & Needles het toe ek by die werk kom 15minute later kom ek agter dit is my hele regter kant van die lyf dit was so vir ‘n week. Ek is na ‘n neoroloog gestuur om te diagnoseer of daar ‘n seniwee is wat vas druk maar geen seniwee. Ek gaan nou volgende week vir ‘n brein scan. Kan dit ‘n ligte beroerte wees? Ek kom agter my geheue en konsentrasie is nie soos wat dit moet wees nie. As ek my nek af laat sak tot op my bors kom daar so ‘n sock gevoel dwars deur my lyf. wat kan dit wees? Die pins en needles is nie meer so erg nie maar my regter kant se vingers is dood.

  4. Ronel raubenheimer

    Dit klink soos n definitiewe beroerte. Sal dit waardeer as julle vir my inligting kan stuur daaroor. Groete. Ronel.